dialèt italiano deutsch français
L'Osteria Breno

Chel che ghè da savee

Bren l'è ne frazion dro comün Altomalcanton, os trova a 800 metri s/m, distant piü o men 25 minüt da Sbroia City.

R'osteria la s'trova in mezz ar pais in so ra cantonal, in piazza in do che gh'è anca ra botega e ra posta.

A verdom ra porta martedì, giovedì e venerdì dai 17:30 ai 23:00; sabot e lünedi ai 10:30 e sèrom ai 14:30, pö dai 17:30 ai 23:00.
Ra domenga a serom ai 16:00.
Or mercoledì l'è sarò tut or dì.
Per i vacanz (stüff-stüff) a sèrom 2 setiman tra genar e febrar e 2 tra aosct e setembra.

A mesdì a dem one menestra, vün o dü piatt dar dì, formacc e dolz, e a fem pagaa tra i 10.- e i 22.- franch per portada, segond ora fam.
A ra fescta i costa tra i 28 e 58 franc piü o men da vün a quatro piatt.

A ra sira gh'è ne carta, ma pinina, ch'a càmbiom dopo 2/3mes e anca lì is pò met insema da vün a quatro piatt tra 28 e 58 franch piü o men.
A gh'è sempro on para de scpecialità de stagion o on po föra dr'ordinari ma domà a comenzaa da 2 person e sü prenotazion almen on dì prima.

In dro canton dr'osteria dov'am facc ora cüsina vèrta, es pò mia fümaa; e anca s'agh vörom ben, es pò, mia portaa bésct.

Però a ghem or canton di fümadoo e ra saréta ra s'ciama "Ora Gra - Fumoir Cabriolet"... or parchè ar savrii quand a gh'andarii denta par bev on bianchin one bire o on cafè.
In dra Gra es pò fümaa e bev ma de solit mia mangiaa.
(A men che ghii scià on can, tanta pazienza e va da mia fasctidi or füm).

Or local l'è pinín, egh' sta ar massim 20/24 client impignèe; alora magari a fè on ciamm prima da gnii ar nümer 091 / 600 34 00 e vist che in cüsina gh'è on "One Man Show" senza strafüseri de machin, or Max o pò faa domà na roba a ra volta. Sa sii in sèt o vott a si scià da metov dacordi se no or Chef o va in forlonia, o, se sii almen in 10, podì scern on menú tra chi che ghém e ca v' mandom volentera. Se sii püssee che 10, massim 11, a si scià da setav a 2 o 3 tavoi perchè or sìt r'è facc par poch. E se sii in 18 o püssee a ghi tütt or local par vialtri.

A ciapom on para da cart de plastica, però av fem pagaa or dü par cent in piü. (Se da nò, magari or Max ov lassa lavà giü).